Мы спыталі мазыран…

«Быць сумленным перад сабой і людзьмі»

 У надзеленых асаблівымі паўнамоцтвамі і клопаты асаблівыя

Дэпутацкі склад раённага Савета значна абнавіўся, у яго ўвайшло нямала ініцыятыўных людзей. Трэба адзначыць, што пачынаць сваю дзейнасць ім прыйдзецца не з чыстага ліста. Іх папярэднікі нямала зрабілі і ў навядзенні парадку на зямлі, і ў справе  добраўпарадкавання вёсак, і ў вырашэнні сацыяльных пытанняў.

“Ці звярталіся вы за дапамогай да дэпутата? Як, на ваш погляд, павінна будавацца праца народнага выбранніка?» – з гэтымі пытаннямі мы звярнуліся да нашых рэспандэнтаў.

Галіна Уладзіміраўна Паўлава, пенсіянер, жыхар вул. Савецкай, 114:

– Так, мне даводзілася звяртацца за дапамогай да дэпутатаў, і гэта апынулася дзейсным спосабам у вырашэнні праблем нашага дома і двара. Пасля гутаркі з Мікалаем Фёдаравічам Рассохай пайшла праца. І ў двары, і ў доме. А праб-лем сапраўды ў нас шмат. Па-першае, жыхароў нашага дома хвалюе схіл, які сыходзіць. Нам паабяцалі, што вясной будзе вырашацца пытанне па яго яшчэ большаму ўмацаванню. Будзем чакаць! Шмат нездаволенасцяў было звязана з ямачным рамонтам: у нас пастаянна – вада, немагчыма прайсці. Плюс капітальны рамонт, а дакладней тыя недахопы, якія бачныя пасля яго. Яшчэ брудны склеп з-за будаўнічага смецця. Гэта зусім не дробязі. Гэта тое, што складае камфортнае радаснае жыццё. Вельмі прыемна, што нас пачулі і зразумелі. Я – за тое, каб народны выбраннік бачыў і разумеў нашы праблемы і зрабіў усё магчымае, каб жыццё звычайных людзей ззяла ўсімі фарбамі.

Алена Фёдараўна Скокава, намеснік галоўнага бухгалтара ўпраўлення па працы, занятасці і сацыяльнай абароне Мазырскага райвыканкама:

– Звярталася. Паколькі я вяду такi кірунак, як прадстаўленне субсідый на арганізацыю прадпрымальніцкай дзейнасці, дзейнасці ў сферы агра-
экатурызму і фермерскай гаспадаркі, мой зварот да дэпутата (А. П. Шэўчыка) быў звязаны з пытаннямі падаткаабкладання. А для сябе я цікавілася падаткаабкладаннем, якое варта ў сувязі з набыццём нерухомасці за межамі Беларусі, на тэрыторыі Расіі.

Якім павінен быць народны выбраннік? У першую чаргу, кампетэнтным у сваёй сферы. Камунікабельным. Сумленным. Народны выбраннік павінен быць перш за ўсё патрыётам сваёй Радзімы. Важна, каб ён разумеў клопаты звычайных людзей. Бо ад яго ідэй і дзеянняў будзе залежыць узровень жыцця многіх людзей. І, магчыма, не толькі выбаршчыкаў, але і іх нашчадкаў.

Віктар Мікалаевіч Міневіч, жыхар вул. Прытыцкага, 30:

 – Я звяртаўся да Вольгi Іванаўны Арцямчук, старшыні камітэта тэрытарыяльнага грамадскага самакіравання, а цяпер ужо і дэпутата райсавета, за садзейнічаннем у ўстаноўцы кантэйнернай пляцоўкі. У нашым доме, як і ў многіх іншых дамах Беларусі, заварылі смеццеправод, фактычна для нас гэта стала праблемай… Вельмі рады, што ў нас цяпер ёсць цывілізаваны спосаб збаўлення ад камунальных адходаў. Праўда, давялося крыху пачакаць… Вельмі хацелася б каля дома мець аўтастаянку, месца для яе ёсць – справа толькі за арганізацыяй. Справа ў тым, што для нашых аўто не хапае месца: двор запаланяюць наведвальнікі рынкаў і крам, што знаходзяцца ў нас пад вокнамі.

Якім павінен быць дэпутат? Блізкім да народу. Дзейсным. Рашучым.

Тамара Іванаўна Фiломенка, старшыня прафкама Мазырскага хлебазавода:

– У мінулым годзе адбылося некалькі сустрэч калектыву нашага прадпрыемства з дэпутатамі, не толькі раённага Савета, але і Палаты прадстаўнікоў Нацыянальнага сходу Рэспублікі Беларусь. У нашых работнікаў была магчымасць напрамую задаць сваё набалелае пытанне народным выбраннікам. Больш за ўсё зваротаў было на тэму добраўпарадкавання, абсталявання тратуараў, прывядзення ў парадак прыпыначных пунктаў у Нараўчызне, а таксама раскладу аўтобусаў. Будзем вельмi рады, калі атрымаецца вырашыць усе хвалюючыя нас пытанні.

Я лічу, што добры дэпутат – гэта чалавек сумленны перад сабой і людзьмі, які ўмее суперажываць людзям. На маю думку, добры дэпутат прыслухоўваецца да народу, а таксама з’яўляецца, калі можна так выказацца, голасам простага народа ў вырашэнні пэўных  праблем.

Вольга АРДАШАВА, фото аўтара.

 

Добавить комментарий

Ваш e-mail не будет опубликован. Обязательные поля помечены *