Яна адбудзецца 5 верасня, у пятніцу, у 18.00 у Мазырскім драматычным тэатре імя І. Мележа.
У праграме акцыі – работа творчай пляцоўкі з удзелам беларускіх пісьменнікаў: члена Саюза пісьменнікаў Беларусі Рыгора Бабчанка і пісьменніка, выдатніка адука-цыі Якава Ліпскага, экскурсія па тэатру, віктарына ад Мазырскай раённай арганізацыі РГА «Белая Русь».
Завершыцца акцыя праглядам спектакля «Ладдзя Роспачы» у жанры містычнага рэалізму па матывах аднайменнай аповесці класіка беларускай літаратуры Уладзiмiра Караткевіча ў пастаноўцы рэжысёра Святланы Джэліевай.
Праз усю пастаноўку чырвонай стужкай праходзіць ідэя, што мы ўсе плывем у адной лодцы, і пакуль мы жывыя, трэба кахаць, радавацца кветкам, сонцу і глогу каля ракі, каб сама смерць зайздросціла жыццялюбству. І ўсім сэрцам любіць Радзіму, дзе заўсёды цвіце кветка шыпшыны…
Паважаныя гледачы, запрашаем вас у тэатр у гэты дзень пажадана прыйсці з кветкай шыпшыны – сімвалам Беларусі, жыцця, свету і радасці. Напэўна і ружа ў вашых руках ці на каўнерыку будзе таксама выглядаць сімвалічна.
Акцыя пройдзе для ўзроставай катэгорыі 16+. Тэлефоны для даведак: 23-68-55, 25-75-96.
Любіце і шануйце сваю мову, карані і Беларусь. Думайце і разважайце па-беларуску. Чакаем вас!
Таццяна АНДРЫЕЎСКАЯ,
кіраўнік літаратурна-драматургічнай часткі
ДУ «Мазырскі драматычны тэатр імя І. Мележа»
